Bertso barnetegia Gorozikako aterpetxean
Bertso barnetegia Gorozikako aterpetxean –
Informazio hau Bertsozale Elkartearen web orrian ikusi dugu.
………………………………………………………………………………………….
Bertso barnetegia Gorozikako aterpetxean
Otsailaren 10etik 12ra Bizkaiko bertsolari gazteen topaketa izango da Gorozikan.
Urtero moduan, Gorozikako neguko bertso barnetegian egongo da zer egina eta zerekin gozatua, otsailaren 10etik 12ra. Bizkaia osoko gazteak daude asteburu pasa honetara deituta, 12 urtetik hasi eta 18ra artekoak.
Bariku iluntzez hasi eta domeka eguerdira arte, gaztetxoek jokoak, mendi buelta, bertso eskola, elkarrizketak, afari gozoak eta elkarrekin egoteko denbora libra izango dute. Oso ondo pasatzeaz gain, gazteen arteko harremana sendotzea da helburua, eta bat-bateko taldeetako partaideek esperientziak eta iritziak elkar trukatzea.
Izena emateko (3 aukera):
- deitu 94-6812711 telefonora
- idatzi bizkaia.administrazioa@bertsozale.eus helbidera
- esan zuen bertso eskolako arduradunari.
Eraman beharrekoak osakidetzaren txartela, lo zakua, mendirako oinetako erosoak, kirolerako arropa, linterna eta gurasoen baimena.
Bertso barnetegia
