Joan eta etorri –
Joan eta etorri
Doinua: Bizkaiko aberatsak
1. Nork pasa deu negue
udiegaz amesten
Eta hilero dirue
apurke gordeten
Unibertsitatean
ahaldala ikesten
Langileak ere haien
biherra beteten
Egoteko hortik zehar
udan astebeten?
2.
Etxetik urtetzea
da paradisua
Plaira joateko nahia
da horren itsua
Ezin aguanta euria,
aterkian pisua
Euskadi tropikala
da hain euritsua
Eta Italia berriz
hain eguzkitsua
3.
Aireportura heldu
historien segida
Egoera xelebre hura
nik nola deskriba
Ia biluzik baina
jira eta bira
Detektore ondotik
ezin erretira
Jakizue: “brakets”-ak
ilegalak dira…
4.
Hegazkina hartuta
damuak gogora
Zetako igo naz hona
eta noa nora?
Errezatzea igual
izango dot hoba
Hain aulki estuetan
ez gaude gustora
Hau da aldeanuok
daukagun ganora.
5.
Ikusita hiru hondartza
(e)ta bi alde zahar
Beroa egiten du
baina agian lar
Oporraldia ez zaigu
pasatuko azkar
Lehenengo eguna eta
aurretik beste hamar
Bi egunez be ezin
aguantatu alkar
6.
Pizza eta pastarekin
goraino beteta
Kalean behera goaz
galduta oreka
Katedral politekin
flipatuz tarteka
beroari gustoa
hartu diogu eta
etxera helduko gara
lepoa erreta
7.
Joateko unean
ai zenbat dilema!
Baina orain etortzea
da gure problema
Hangoa amaitu da
hau izan da dena
Nahiz eta bueltatzeak
eman digun pena
Etxekoa ez al da
beti ba(da) onena?
