Araba eta Nafarroako finalak gorpuztuta

Araba eta Nafarroako finalak gorpuztuta –

Nafarroa

2019ko Nafarroako Bertsolari Txapelketa iritsi da bere azken geltokira. Martxoaren 23an jokatuko da, 17:00etan hasita. 30 bertsolarik eman zuten izena 44. Nafarroako Bertsolari Txapelketan, eta aurre-kanporaketak igarota, 24 izan ziren Tuteran hasitako ibilbidean. Final-laurdenen eta finalaurrekoen ostean, zortzi dira finalera iritsi direnak: Eneko Lazkoz Martinez, Xabier Terreros Gartzia, Joanes Illarregi Marzol, Eneko Fernandez Maritxalar, Julio Soto Ezkurdia, Xabat Illarregi Marzol, Julen Zelaieta Iriarte eta Xabi Maia Etxeberria.

Araba eta Nafarroako finalak gorpuztuta

  • Gai-jartzaileak
    • Alaitz Rekondo Ferrero
    • Fernando Anbustegi Goñi
  • Epaileak
    • Amaia Telletxea Larretxea
    • Arkaitz Goikoetxea Arriola
    • Jon Abril Olaetxea
    • Joseba Beltza Bengoetxea
    • Mikel Beaumont Arizaleta
    • Nerea Bruño Artazkoz
    • Saioa Mitxelena Irazoki 

 

Txapela Joxema Leitza Razkinek jarriko dio irabazleari. Euskal filologian lizentziatua, euskalgintzan jardun du betidanik, ofizioz eta afizioz, izan AEKn, izan Bierrik Elkartean edota Oinarriak bilgunean. Hainbatetan parte hartu izan du Nafarroako Bertsolari Txapelketan bertsolari gisara.

 

Finalean egin beharreko lanak

Finalak bi atal izango ditu. Lehen atala zortzi bertsolariek jokatuko dute. Bigarren atalera, aldiz, lehen atalera puntuaziorik altuena lortzen dutenak pasako dira, eta haiek jokatuko dute buruz burukoa. Bi atalak batuta puntuaziorik altuena lortzen duen bertsolariak jantziko du txapela.

Lehen atala:
 Binaka, gaia emanda, hiruna bertso zortziko handian
 Binaka, gaia emanda, hiruna bertso zortziko txikian
 Banaka, lehen puntua emanda, hiru bertso zortziko txikian
 Binaka, gaia emanda, hiruna bertso hamarreko txikian
 Banaka, gaia emanda, bi bertso nahi den doinu eta neurrian

Buruz burukoa:
 Binaka, gaia emanda, zortziko txikian puntutan, zortzi bertso osatu arte
 Binaka, gaia emanda, hiruna bertso sei puntuko motzean
 Kartzelako lana: Banaka, gaia emanda, hiru bertso nahi den doinu eta neurrian

Sarrerak18 euroko prezioa dute sarrera arruntek, eta 13 eurokoa Bertsozale Elkarteko bazkideenak, eta 12 euro 16 urtetik beherakoen kasuan. Ondorengo bideetatik eskuratu daitezke.

 www.bertsosarrerak.eus atarian, larunbat goizera arte

 Ostiralera arte, ondorengo puntu fisikoetan: – Iruñea: Karrikiri denda – Elizondo: Fantxike denda – Lesaka: Okindegia – Leitza: Maimur liburudenda – Etxarri Aranatz: Xapatero taberna – Lizarra: Olgarenea natur denda

 Larunbatean bertan, Anaitasunako leihatiletan, 15:30etatik 17:00etara.

 

Araba

 

Dulantzin, Arabako Bertsolari Txapelketako finalerdietako bigarren saioan Iñaki Viñasprek lortu du puntuaziorik altuena. Bigarren itzuli honetako saioetan 14 bertso puntuagarri kantatu behar dituzte bertsolariek, horien artean 5 bertso,  bakarkako lanean, kartzela formatuan. Dulantzin, ariketa guztiak egin ondoren, Iñaki Viñasprek lortu du puntu gehien, 330,5 puntu. Puntuazioak ondorengoak izan dira:
 
 
  • Iñaki Viñaspre Simon, 330,5 puntu
  • Oihane Perea Perez de Mendiola, 325,5 puntu
  • Aroa Arrizubieta Barredo, 323 puntu
  • Paula Amilburu Izargarai, 314 puntu
  • Beñat Garaio Mendizabal,  304 puntu
  • Rikardo Gonzalez de Durana Alzola, 285 puntu

 

 

Beraz, finalean nork kantatuko duen definitua geratu da saioaren ostean: Aroa Arrizubieta Barredo, Iñaki Viñaspre Simon, Manex Agirre Arriolabengoa, Oihane Perea Perez de Mendiola, Peru Abarrategi Sarrionaindia eta Xabi Igoa Eriz. Martxoaren 30ean, 17:30etan, Gasteizko Printzipal antzokian.

Araba eta Nafarroako finalak gorpuztuta

Araba eta Nafarroako finalak gorpuztuta
Araba eta Nafarroako finalak gorpuztuta