Martin Abarrategi eta Manex Agirre irabazle Arabako Binakako Txapelketan
Martin Abarrategi eta Manex Agirre –
Honako bikoteak izan ziren kantuan finalean:
- Iñaki Viñaspre Simon (Abetxuku) eta Unai Anda Delika (Ametzaga)
- Martin Abarrategi Sarrionandia (Aramaio) eta Manex Agirre Arriolabengoa (Aramaio)
- Manuel Bendala Garcia-Donas (Sevilla-Gasteiz) eta Oihane Perea Perez de Mendiola (Zalduondo)
Nieves Del Alamo aritu zen aurkezle lanetan, eta Eli Plazaola gai-jartzaile. Finaleko epaimahaia 5 epailek osatu zuten: Aitor Jimenez, Ekaitz Elorriaga, Iker Elexpuru, Fernando Sopelana eta Mikel Fernandez de Arroiabe. Idazkari lanetan Endika Jimenez aritu da.
Honakoak izan zen bertsolari bikote bakoitzak eskuratutak puntuaketa:
- Manex Agirre Arriolabengoa eta Martin Abarrategi, 828 puntu
- Iñaki Viñaspre Simon eta Unai Anda Delika, 820 puntu
- Oihane Perea Perez de Mendiola eta Manu Bendala Garcia-Donas, 816 puntu
Bertsolari bakoitzak ariketa ezberdinetan lortutako puntuazioak eta argazkiak ikusgai jarri ditu Arabako Bertsozale Elkarteak.
Bertsoa.eus-en datorren egunetan ikusgai egongo da saioari buruzko hautaketa.
Txapeldunen bukaerako agurrak:
Manex Agirre Arriolabengoa:
Abarrategi Sarrionandia
a ze bertsolari saga
ta a ze poza txapel bat doa
behingoz Uxarko salara
nirea berriz bidali nahi dut
gure bertso eskolara
pandemiaren erantzun gisa
ere balio du hara
hemen ezin da funtzionatu
taldean ez baldin bada
Martin Abarrategi Sarrionandia:
Nahi ta tabernan egongo ziren
hemen baino askoz hobeto
eta pare bat aharrausi egin
gure bertso bakoitzeko
egia esan bai harro nago
kuadrillakoek 15 pabo
zer eta ni entzuteko
aupa Manex bi izan gara
gurdipea bultzatzeko
eta txapel bat dugu buruan
egiten duguna tarteko
banatu nahian gure txapela
beharko ditut konpas ta erregela
bateko eta besteko
asko baitut eskertzeko
