TXAPELKETAK BEREKIN ZURRUNBILO

Aitzol Barandiaran

Aitzol Barandiaran

2013-12-08

AITZOL BARANDIARAN

ETBSAT-en esatari lanetan dabil

DOINUA: NESKAZAHARRAK ETA APAIZAK

 

1.

Txapelketak berekin

zurrunbilo, kezka

antolatzeak, berriz,

hamaika lan extra

aretoak gaineztuz

mutil eta neska

penaz ta pozez jarriz

sarrerarik ezta

euskaratik ta euskaraz

bertsoaren festa!

 

2.

“Bukatu dira denak

sarreraik eztago

ez bat ez bi ez hiru

baterez, akabo!”

Baina ni bazkide naiz

eta gabe nago!?

Salgai bi hilabete

ta zerbait gehiago

zer delata ez zara

mugitu lehenago?

 

3.

Elkartea errudun

omen gara, bale.

Hiru- hilabete aurrez

salgai txartel-bale

norbaitek erosi du

egin gabe kale

denak saldu badira

aizu bertsozale,

ez al da lana ondo

egin den seinale?

 

4.

Bec lepo betetzea

genuen helburu

ziur lortuko dela

egonba seguru.

Segurtasun arauez

ene zenbat gudu

plano, armaila, ate,

zaleen kopuru

zure segurtasuna

bermatuko dugu

 

5.

Terraza zientifiko

azpimarratua

ikerlariz mukuru

gune sakratua

badugunez zer beha

ta zer garatua

har dezaten argazki

ongi zentratua

gaurko emanak bekar

bihar zer hartua

 

6.

lanaren etekina

gurea ez nire

ildo berean goaz

zale ta bazkide

urrats ttikiak pausu

bilakatzen dire

biharra eraikitzen

elkarren lankide

izanaz irekiko

dugu hainbat bide

 

7.

Aulki jartzen beste bat

gehiago Egaña

sortzaile ta hartzaile

uztartzeko maina

denok ekiteko prest

komeni den haina

arrazoi bihozdunak

har dezala gaina

bertsolaritzarentzat

emaitza bikaina!