Bertso jarriak

[ Jon Barberena II ] (h)UTSUNEARI - Xabi Maia

[ Jon Barberena II ] (h)UTSUNEARI – Xabi Maia –

 

DOINUA: OSO POLITA ZARA IZATEZ

 

AZKEN SOLASAK,  AZKEN IRRIAK

AZKENAK ZE LARDATX GIRO

AZKEN ALDI BAT IZPEGI BERRIZ

MINETIK EZINIK IGO

AZKEN POEMA AKITU GABE

HIRU PUNTO SUSPENTSIBO

AZKEN BERTSOA ERRAIETATIK

TRABATZEN ZAIGUN ALDIRO

BI MILA ETA BEDERATZIA

OROITZEN DUT MAITEKIRO

ETA AZKENAK HASIERA BAT

MARRAZTEN DIGU BERRIRO

 

BERTSOAREKIN TALIBANDUAK

GERRA GUZIAK BALIRA

LEPATANATU GINEN BAZTANEN

BARBERENAREN HARIRA

EREIN ZENUEN HAZI HARTAKO

SUSTRAIETATIK ARGIRA

ZURTOIN AHULA ENBORRA DUGU

TTIKITIK DAIE HANDIRA

ADAR ESTUKO, ITZAL ZABALA

BERRIZ KIMUTZEN ARI DA

ETA LOREAK ZURE OMENEZ

FRUITU BIHURTUKO DIRA

 

HITZ IDATZIA, HITZ KANTATUA

HITZA ZENUEN ARKUPE

PATUAK ZURE GIDOIA BERRIZ

BERRIDAZTERIK BALUKE….

BAINA “BETIKO”, GEHIEGI DELA

ZUK SINATUKO ZENUKE

HAINBERTZE BIZI DAUKANARENTZAT

ZER DIRA BERROGEI URTE?

NORA GAN ZARA? BAINA ZERGATIK?

GALDERA IKURREN TRUKE

MINAREN MINEZ BIHOTZ BARNETIK

OIHU EGIN NAHIKO NUKE

 

 

IZARREN HAUTSA BIHURTU ZARA

UDAZKENAREN ATEAN

ETA MUNDUKO ILUNABARRAK

ESTUTU OHI NAU KATEAN

EZ NAU IZUTZEN NEGU HURBILAK

NAHIZ ZU EGON APARTEAN

GERO GORPUTZA DARDARKA JARRIZ

OROITZAREN MAGALPEAN

NORBERE MUNDU INTIMOETAN

HEMEN NABIL BITARTEAN

BERTZE ALDEA MUTU DAGOEN

ELKARRIZKETA BATEAN

 

PERTSONA GOXO, PERTSONA ONA

JATORRA ETA UMILA

LAGUN HAUNDIA, AITA BIKAINA,

SEME FINA TA HURBILA

BIZIKLETAREN MAITALE SUTSU

HERRIGINTZAREN GURPILA

BIKOTE GISA, PAREGABEA

IRAKASLE BOROBILA

ADJEKTIBOAK JARRIAGATIK

BETI HOBE BATEN BILA…….

EMAN DIGUZUN GUZIAGATIK

BIHOTZETIK, ESKERMILA

[ Jon Barberena II ] (h)UTSUNEARI – Xabi Maia