Etxe hutsa

Iker Gorosterrazu

Iker Gorosterrazu

2019-12-30

Etxe hutsa –

Doinua: Inork badakizute

 

Etxe hutsa

 

Janari usteldua

duen sukaldea

zuloz beteta dagon

sofan gainaldea

pipiak erdi janda

daukan zutabea

komuneko grifoek

daukaten karea

belaunaldietako

gure ondarea

hautsez beteta eta

arima gabea

 

Soinu gabeko oihu

intziri hasperen

bakarrik eta triste

egotea zer den

paretek solastuko

balute bederen

zaharra naiz baina ez dut

hartu nahi atseden

negarra zein irria

behar nuke hemen

zutik manten nazazu

erori baino lehen

 

Aterpe babesleku

hainbat hamarkada

orain herri ttikien

gainbeheran islada

zure gisan hustuta

norbere ganbara

zaharra berriarentzat

beti baita traba

istorioen historian

jabea zu zara

baina beranduegi

ohartuko gara

Etxe hutsa