Albisteak

Eneko Lazkoz, Agoitzen garaile

Eneko Lazkoz Agoitzen garaile –

Iragan larunbatean 190 bertsozalek leporaino bete zuten Agoizko Kultur etxea, Nafarroako Bertsolari Txapelketako lehen finalaurrekoa bertatik bertara jarraitzeko. Oholtzaratu ziren bertsolariek honako ariketak egin behar izan zituzten:

• Binaka, gaia emanda, hiruna bertso zortziko handian
• Binaka, gaia emanda, hiruna bertso zortziko txikian
• Binaka, gaia emanda, hiruna bertso hamarreko txikian

Ganbarako lana

• Banaka, lehen puntua emanda, hiru bertso zortziko txikian
• Banaka, gaia emanda, hiru bertso nahi den doinu eta neurrian

Lan puntuagarri guztiak eginda, Eneko Lazkozek zakuratu zituen puntu gehien, eta modu horretan finalerako txartela lortu.

1. Eneko Lazkoz Martinez (508,5)
2. Saioa Alkaiza Guallar (496,0)
3. Ekhiñe Zapiain Arlegi (494,0)
4. Eki Mateorena Zozaia (488,5)
5. Julen Zelaieta Iriarte (458,5)
6. Endika Legarra Nuin (441,0)

Zigor Gartzia “Zian” izan zen gai-jartzailea. Epaimahaia honako lagunek osatu zuten: Cesar Etxeberria, Joseba Beltza, Mikel Beaumont, Nerea Bruño eta Patxi Barberena.

Larunbat honetan izango da hurrengo saioa, Leitzan, kiroldegian. Sarrerak salgai daude www.bertsosarrerak.eus atarian.

Eneko Lazkoz Agoitzen garaile