Albisteak

Joanes Illarregi irabazle Tafallan, eta finalistak zehaztuta

Joanes Illarregi irabazle Tafallan –

Atzo jokatu zen Nafarroako Bertsolari Txapelketako azken finalaurrekoa Tafallan, Kulturgunean, 300 bertsozaleren aitzinean. Honako lanak egin behar izan zituzten bertsolariek:

• Binaka, gaia emanda, hiruna bertso zortziko handian
• Binaka, gaia emanda, hiruna bertso zortziko txikian
• Binaka, gaia emanda, hiruna bertso hamarreko txikian

Ganbarako lana

• Banaka, lehen puntua emanda, hiru bertso zortziko txikian
• Banaka, gaia emanda, hiru bertso nahi den doinu eta neurrian

Lan puntuagarriak eginda, honela geratu zen saioko puntuazioa:

1. Joanes Illarregi Marzol (528.0)
2. Xabat Illarregi Marzol (516.5)
3. Josu Sanjurjo Alzuri (486.0)
4. Xabi Maia Etxeberria (466.0)
5. Amaia Elizagoien Varela (427)
6. Ekain Alegre Gil (425.0)

Saio honetako puntuazioak izanda, zehaztu da, beraz, zein izango den azaroaren 29an Iruñeko finalean abestuko duen zortzikotea:

1. Joanes Illarregi Marzol
2. Julio Soto Ezkurdia
3. Xabat Illarregi Marzol
4. Eneko Lazkoz Martinez
5. Saioa Alkaiza Guallar
   
6. Ekhiñe Zapiain Arlegi
7. Sarai Robles Vitas
8. Eki Mateorena Zozaia

Honakoak dira finalean egin beharko dituzten lanak:

• Binaka, gaia emanda, hiruna bertso zortziko handian
• Binaka, gaia emanda, hiruna bertso zortziko txikian
• Banaka, lehen puntua emanda, hiru bertso zortziko txikian
• Binaka, gaia emanda, hiruna bertso hamarreko txikian
• Banaka, gaia emanda, hiru bertso nahi den doinu eta neurrian

Buruz-burukoa (9 bertso puntuagarri)

• Binaka, gaia emanda, zortziko txikian puntutan, zortzi bertso osatu arte
• Binaka, gaia emanda, hiruna bertso sei puntuko motzean

       Ganbarako lana

• Banaka, gaia emanda, hiru bertso nahi den doinu eta neurrian

 

Sarrerak salgai daude bertsosarrerak.eus helbidean.

Joanes Illarregi irabazle Tafallan