Oier Etxeberria gailendu da Altsasun, eta Ane Labaka Lekeition. Hurrengo saioak Donapaleun eta Tolosan

Bertsolari Aldizkaria 2026-09-30

Oier Etxeberria gailendu da Altsasun –

Iragan larunbatean bertsozalez bete zen Altsasuko Burunda frontoia, Maialen Belarrak gidatutako EHBT26-ko saioa bertatik bertara jarraitzeko asmoz. Bertsolariek honako ariketak egin behar izan zituzten:

Binaka, gaia emanda, hiruna bertso zortziko handian/lau puntuko handian
Binaka, gaia emanda, hiruna bertso zortziko txikian/lau puntuko txikian
Banaka, lehen puntua emanda, hiru bertso zortziko txikian/lau puntuko txikian
Binaka, gaia emanda, hiruna bertso hamarreko txikian/bost puntuko txikian
Ganbarako lana: banaka, gaia emanda, hiru bertso nahi den doinu eta neurrian

Honela geratu zen sailkapena:

Oier Etxeberria Zubimendi_______________672.5
Eneko Araiztegi Agirre “Korta”___________659.5
Txaber Altube Sarrionandia_____________648.5
Imanol Uria Albizuri_____________________647.5
Iñigo Mantzizidor Larrañaga “Mantxi”____638
Eñaut Martikorena Lizaso_______________637.5

Puntu gehien eskuratuta, Oier Etxeberria zuzenean sailkatu da Miarritzen jokatuko den azaroaren 14ko kanporaketara.

IKUSI ALTSASUKO SAIOA OSORIK

Lekeitioko kasuan igandean izan zen zita, Santi Brouard pilotalekua leporaino betea zela. Idoia Anzorandiak gidatu zuen saioa, eta lehen faseari dagozkion ariketak eginda, Ane Labakak eskuratu zuen puntu gehien, azaroaren 7an Gernika-Lumon egingo den finalaurrekora zuzenean sailkatuz.

Ane Labaka Mayoz____________681
Aner Peritz Manterola___________679
Maddalen Arzalluz Antia_______677.5
Aitor Bizkarra Ruiz_____________676
Eneritz Artetxe Eizagirre_________646
Aroa Arrizubieta Barredo_________616

IKUSI LEKEITIOKO SAIOA OSORIK

Hitzordu bikoitza izango da asteburu honetarako ere: larunbatean Donapaleun izango da laugarren saioa; igandean, berriz, bosgarrena, Tolosan.

Donapaleuko Airetik gelan izango da larunbatean Euskal Herriko Bertsolari Txapelketako laugarren saioa. Gai-emaile lanetan Xalbat Alzugarai Etxeberri arituko da eta bertsolari hauek arituko dira kantuan:

Eneko Lazkoz Martinez
Iñaki Viñaspre Simon
Maider Arregi Markuleta
Oihana Iguaran Barandiaran
Saioa Alkaiza Guallar
Sarai Robles Vitas

Igandean beste saio bat jokatuko da Tolosako Usabal Kiroldekian. Saioaren gidari lanetan Imanol Artola Arretxe ‘Felix’ ibiliko da. Bertsolarien artean, berriz, aldaketa bat izango da igandeko saioan: Jone Uria Albizuriren ordez Unai Mendiburu Valor arituko da Tolosan. Beraz, bertsolari hauek kantatuko dute saioan:

Aitor Servier Etxexuri
Amaia Iturriotz Etxaniz
Eli Pagola Apezetxea
Julio Soto Ezkurdia
Oihana Bartra Arenas
Unai Mendiburu Valor

Lehenengo fasean hurrengo epaile taldea ariko da lanean: Aitor Jimenez Tolosana, Bakarne Urreaga Etxeberria, Iban Thicoipe, Jon Diaz de Mendibil Sarasti, Mirari Azula Aurrekoetxea, Miriam Juaristi Urizar eta Unai Muniain Caballero.

Asteburuko sarrerak eskuragarri daude www.bertsosarrerak.eus atarian. Bestela, saioen egunean bertan leihatila 15:30ean zabalduko da.