Joanes Illarregi eta Julio Soto gailendu dira asteburuko saioetan

Bertsolari Aldizkaria 2023-10-17

Joanes Illarregi eta Julio Soto gailendu dira asteburuko saioetan –

170 entzule elkartu ziren Vianako Kultur Etxean iragan larunbatean, Nafarroako bertsolari txapelketaren bigarren final-laurdena zuzenean jarraitzeko. Zigor Gartzia “Zian” aritu da gai-jartzaile lanetan, eta behin ariketa puntuagarriak eginda, Julio Sotok eskuratu du puntu gehien (380 ), eta ondorioz, saioa irabazi eta azaroaren 11an Agoitzen jokatuko den bigarren finalaurrekorako sailkapen zuzena lortu du.

Honela geratu da saioko sailkapena:

1. Julio Soto Ezkurdia: 380
2. Xabat Illarregi Marzol: 377,5
3. Ekhiñe Zapiain Arlegi: 338
4. Urko Gartzia Aleman: 300
5. Patxi Castillo Graciarena: 294
6. Aitor Irastortza Arrizubieta: 287

Bestalde, Joanes Illarregik eskuratu zituen puntu gehien Uharteko saioan, eta azaroaren 19an Lesakan ospatuko den finalaurrekorako pasea lortu du. 220 bertsozale bildu ziren herenegun Uharteko Arte Garaikideko Zentroan, txapelketako hirugarren final-laurdenaz gozatzeko.

Ainhoa Larretxea gai-jartzailearen esanetara aritu ziren oholtzara igo ziren sei bertsolariak, eta honakoa izan zen epaimahaiaren erabakia:

1. Joanes Illarregi Marzol: 384,5
2. Eki Mateorena Zozaia: 324
3. Julen Zelaieta Iriarte: 315
4. Mikel Lasarte Cia: 312
5. Beñat Astiz Isasi: 305
6. Ainara Ieregi Aranburu: 261

Heldu den larunbatean jokatuko da Leitzan laugarren eta azken final-laurdenarekin. Herri Aretoan izango da saioa, 17:30ean. Bertan arituko dira kantuan Eneko Lazkoz Martinez, Josu Sanjurjo Alzuri, Bittori Elizalde Soto, Endika Legarra Nuin, Saats Karasatorre Martinez eta Fernando Ziganda Urdanpilleta, Ander Aranburu gai-jartzaileak gidatuta.