Maiatzarekin bertso saioak itzuliko dira Gipuzkoako adinekoen egoitzetara

Bertsolari Aldizkaria 2023-04-30

Maiatzarekin bertso saioak itzuliko dira Gipuzkoako adinekoen egoitzetara –

Gipuzkoako Foru Aldundiak eta Lankuk 21 bertso saio antolatu dituzte `Adin-adin´ ekimenaren baitan.

Zortzigarren aldiz Gipuzkoako adineko pertsonen egoitzetan Adin-adin ekimena, maiatzaren 3an hasi eta 19ra bitarte. Belaunaldi desberdinetako 25 bertsolari arituko dira kantari.

“Azken urtetan harrera ona izan duen ekimena izan da Adin-adin eta pixkanaka zabaltzen joan da”, adierazi du Bertsozale Elkarteak. Geroz eta gehiago dira dinamikan parte hartu nahi duten egoitzak. Aurten adibidez 17 udalerritako 21 egoitzetara iritsiko dira bertso saioak.

Antolakuntzatik jakitera eman dutenez “adinekoen egoitzetan bertso saioak aurrez prestatzen dira egoitza bakoitzeko dinamizatzaile eta animatzaileen bidez egoiliarrekin, bertsolariak joaten direnean parte hartzea errazago aktibatzeko. Proiektu honen bidez, bertsolaritza adinekoen egoitzetara iristarazten da eta egoiliarren parte hartzea bultzatzen da besteak beste”.

Bertso saioen egutegia

Azkoitia. Maiatzak 3. San Jose egoitza. 17:00. Eneritz Artetxe eta Sebastian Lizaso.
Tolosa. Maiatzak 5. Iurreamendi egoitza. 11:15. Amaia Agirre eta Anjel Mari Peñagarikano.
Zumaia. Maiatzak 8. San Juan egoitza. 11:00. Libe Goenaga eta Jon Maia.
Zumarraga. Maiatzak 8. Argixao egoitza. 16:30. Anjel Mari Peñagarikano eta Maddi Aiestarain.
Lazkao. Maiatzak 8. Txindoki egoitza. 17:00. Ane Zuazubiskar eta Andoni Egaña.
Errenteria. Maiatzak 9. Jesusen Bihotza egoitza. 11:00. Ekhiñe Zapiain eta Andoni Egaña.
Donostia. Maiatzak 9. Elizaran. 15:30. Anjel Mari Peñagarikano eta Oihana Arana.
Bergara. Maiatzak 9. Mizpirualde egoitza. 17:00. Ainhoa Agirreazaldegi eta Andoni Egaña.
Usurbil. Maiatzak 10. Matia Goxara. 10:30. Ane Labaka eta Sebastian Lizaso.
Tolosa. Maiatzak 10. Uzturre egoitza. 17:00. June Aiestaran eta Sebastian Lizaso.
Segura. Maiatzak 10. San Juan egoitza. 17:00. Maialen Akizu eta Andoni Egaña.
Zumaia. Maiatzak 10. Otezuri egoitza. 17:00. Uxue Alkorta eta Anjel Mari Peñagarikano.
Zestoa. Maiatzak 11. San Juan egoitza. 11:00. Naia Arrizabalaga eta Sebastian Lizaso.
Arrasate. Maiatzak 11. Iturbide egoitza. 10:30. Maider Arregi eta Anjel Mari Peñagarikano.
Oiartzun. Maiatzak 11. Petra Lekuona egoitza. 17:00. Alaia Martin eta Jon Martin.
Legazpi. Maiatzak 12. Santikutz egoitza. 11:00. Ane Beloki eta Sebastian Lizaso.
Aretxabaleta. Maiatzak 17. GSR Debagoiena. 11:00. Sebastian Lizaso eta Uxue Alkorta.
Donostia. Maiatzak 17. Zorroaga egoitza. 17:30. Amaia Iturriotz eta Andoni Egaña.
Donostia. Maiatzak 18. Lamourous egoitza. 17:00. Libe Goenaga eta Andoni Egaña.
Azpeitia. Maiatzak 19. San Martin egoitza. 16:30. Juan Joxe Eizmendi “Loidisaletxe” eta Julene Iturbe.
Beasain. Maiatzak 19. Arangoiti egoitza. 17:00. Maddi Aiestaran eta Anjel Mari Peñagarikano.