Zehaztu da Gazte Xilabako finalean abestuko dutenen zerrenda

Baigorrin mukuru zegoen Bixentaenian jardun ziren kantuan bertsolari gazteak. Hamabi bertsolari aritu ziren zeregin horretan iragan larunbatean, eta bertan erabakita geratu da zeintzuk igoko diren oholtzara Itsasun ekainaren 1ean jokatuko den finalean: Haira Aizpurua, Haize Lekuona, Unax Aizpurua, Nahia Etcheverry, Amaiur Aizpuru eta Johane Larre. Itsasuko Sanoki gelan goizeko 10:00etan burutuko da aurtengo finala.