Euskara
Euskara –
Gure lehen bertso idatzi lehiaketa antolatu genuen 2021an, aldizkari honen 30. urteurrenaren karietara. Bigarren edizioan bertso sorta kopuru polita jaso genuen, eta azken honetan ere iritsi zaizkigu zuen bertso sortak. Mila esker parte hartzaile guztiei, beraz, eta denok etxean jasoko duzuen Imanol Lazkanoren “Aho bizarrik gabe” liburuaz majo gozatzea opa dizuegu, baita bertsotan jarraitzea arkatzez zein mingainez. Sarituontzako sari txukunak lortzen saiatu gara aurtengoan ere, espero dugu horietaz ere merezi duzuen bezala disfrutatzea.
Epaimahaikideak Iñaki Murua, Ekaitz Goikoetxea eta Eli Pagola izan dira, eta hartu dute hartu beharreko erabakia.
Zorionak irabazleei, bejondeizuela parte hartzaile guztioi, eskerrik beroenak epaileei, eta agur bero bat sariak banatzeko ekarpena egin duten enpresa guztiei.
Hurrengo urtean gehiago!
Gaztetxoen kategoria (14 urte arte)
Bigarren saria: Ane Peña Carrasco, Azkoitia, 12 urte. Iztueta Esnekiak emandako produktu saskia. Gozatu, Ane!
EUSKARA
Doinua: Badira hiru aste
Atzo joan nintzan aitarekin
hirira Donostiara
Bai kanpokoek ta bai horkoek
ahoan denek erdara
Bueltakoan tristetu ein nitzen
euskara galtzen ai gara
Euskal Herriko jende guztiak
jakin behar du euskara (bis)
Gaur egun hizkuntzak ikastea
bihurtu zaigu beharra
astero bixitatzen dugunez
guk ingles partikularra
gero euskerari ez diogu ematen
berak behar duen indarra
ez dugu asko baloratzen guk
gure hizkuntza zaharra (bis)
Bisbal entzutea gogo handiz
joaten gara Donostira
Baina Lujanbio entzutea_ez
gara joaten antzokira
Bertsoko klase bat gehitu behar da
eskolako ordutegira
Euskal Herriko bertsolariak
gehiago entzun behar dira. (bis)
