Badatoz Nafarroako Bardoak
Ostiral honetan hasiko da Nafarroako taldedako bertso txapelketa, Lesakan eta Sunbillan. Urriaren 26an amaituko da, Garesen.
Bilaketa webgunean Bilatu aldizkarietako artikuluak
Bilaketa: Nafarroako Bertsolari Txapelketa
Emaitzak:
213
Hiru bertsolari nafar
2024-09-04
Ekhiñe Zapiain
Azken hilabeteetan Miren Artetxerekin batera aritu naiz Nafarroako bertso-eskoletan hiztun berriek dituzten bizipenei segika; bertso-eskoletako datuak aztertu eta Nafarroako gune soziolinguistiko ezberdinetako bertso munduko lagunen diskurtsoak aditzen (eta geure aurreiritzi propioak identifikatu eta deseraikitzen). Ez naiz luzatuko lan horretan aurkitu ditugun gakoak aipatzen, baina bide zinez interesgarria izan da. Kontuak kontu, erran gisan, irakaspen prozesu ederra izan da geuretzat. Batzuetan gertatzen da zerbait ezagutzen duzunean gero ezin dituzula gauzak lehengo perspektibatik begiratu (eta eskerrak), eta niri honekin horrelako zerbait gertatu zaidala uste dut.
Kattin Madariagak jantzi du Nafarroako Eskolarteko txapela
Kattin Madariagak jantzi du Nafarroako Eskolarteko txapela - Iruñeko LABAn jokatu zen Nafarroako Eskolarteko Txapelketaren 38. edizioa, iragan ostiralean. Sei bertsolari gaztek hartu zuten parte txapelketan. Arantzako Kattin Madariaga gailendu [...]
Alaitz Rekondo: "Jendartea aldatu den heinean aldatu da bertsolaritza ere"
Ikastolan bertsozaletu, eta 11 urte zituela hasi zen bertso eskolan Alaitz Rekondo Ferrero lesakarra. Geroztik, bertsolari hasieran eta gai jartzaile ondoko urteetan, ibilbide oparoa osatu du. Berea izan zen iazko Nafarroako Bertsolari Txapelketako txapeldunari txapela paratzeko ardura.
Hunkituta eta pozik paratu zion Alaitz Rekondo Ferrerok Julio Soto Ezkurdiari 2023ko Nafarroako Bertsolari Txapelketako txapela. Une berezia izan zen, txapela paratzeko aukera emanez, Nafarroako bertsolaritzaren alde egindako lana eskertu baitzion Nafarroako Bertsozale Elkarteak Rekondori. Haurra zela hasi zen bertsotan, eta geroztik ibilbide oparoa osatu du, batez ere gai jartzaile gisa. Gainera, 2011tik 2023 hasiera arte Bertsozale Elkarteko lehendakaria ere izan da. Txapelketaren zurrunbiloa pasata, Lesakan elkartu da TTIPI-TTAPArekin egun hura oroitu eta bere bertso ibilbideaz solastatzeko.
