Beti-Gazte-
BETI-GAZTE
Doinua: Kantatzera nijoa
1.Nahiz eta Lesakako
Kirol-taldea den,
Eta merezi duen
Horrenbeste omen,
beste jende multzo bat
Daukagu gaur hemen,
Ez duena onartzen
Zer adina duen (bis).
2.Goizetik galtza motzak,
Pare bat txankleta,
Amerikar bisera
Tapatuz kopeta,
Surf edo kiroleko
Azken kamiseta,
Disimulatu nahian
Bere gerri-buelta (bis).
3.Hartu patinetea
Edo bizikleta,
Hondartzara goizero
Hiruzpalau buelta,
Zein lanbide daukaten
Ipini arreta,
Gurasoen kontura
Bizi dira eta (bis).
4. Ileak erortzean
Kopeta goraka,
Adinak gizonetan
Kalte hori dauka.
Gortinak osatuaz,
Atzetik tiraka,
Soiltasunak sortzen du
Makina bat marka (bis).
5. Larunbateko buelta
Nolatan barkatu,
Modako tabernara
Harro dira sartu.
Zer egingo diguten
Ezin da ukatu,
Gin-kasak hustu eta
Neskatxak uxatu (bis).
6. Kontzertu bat badator,
Herrira, auzora,
Beti-gazte taldea
Bertan izango da,
Gehiegi berotzeko
Ez egin aproba,
Igual igoko dira
Tabladoan gora (bis).
7. Nahiz bizkarrean izan
Makina bat urte,
Umiltasuna ez da
Askoren bertute,
Haiek lotsa gehiago
Izango balute,
Besteok gutxiago
Pasako genuke (bis).
8. Beti gazteak dauzka
Hamaika delitu,
Denok zahartzen garela
Ezin entenditu.
Konponbideen bila
Ez luze aritu,
Azkenean denborak
Errenditzen ditu (bis).
