Etxe berri maitea –
Etxe berri maitea
erreka ertzean
herri irteerako
rebuelta hartzean
ixkin batean zaude
denak baztertzean
etxean sentitzen naiz
zugana sartzean
Nola bizi ez digu
inork erakusten
ezin jakin norekin
gurutza zaituzten
hiru lagun gabiltza
etxea gorpuzten
nahiz ta askotan elkar
ez dugun ikusten
Aurrez zegoen ezin
ekipatuago
labadora koxkor bat
berria zeharo
ta frigorifikoa
bi metro harago
beteta mantentzea
merkea ez dago!
Sukalde,sala edo
sofa zirrikitu
noski, hirurentzako
hiru gela ditu
bi balkoi, trastero bat,
ehun metro ta piku…
baina komona inork
ez du nahi garbitu
Ura eta argia
gasaren moduko
ondoren alkilerra
zaiena lotuko
ta ezpada ordaintzen:
kalera ta punto
soldata joaten da
etorri orduko
“Nahi” ta “ahal”-en artean
hor diferentzia
bakarrik bizitzeko
independentzia
gazte ororentzat da
nire ustez, ia
bizi biharko luken
esperientzia.
