Gaupasa

Joanes Illarregi

Joanes Illarregi

2022-07-07

Gaupasa –

Doinua: Hemen zizurkildar bat

 

Gaupasa

Arg: @GazteG

 

 

Uda heltzen denean

mila zirrikitu

jendea hondartzetan

ezin da kabitu

besteek nahiago dute

mendia sentitu

ta guk berriz parrandan

arima “garbitu”

bakoitzak afizio

desberdinak ditu

 

 

Hernaniko San Juanak

parranda ederrak

Donezteben San Pedroz

miatu bazterrak

Lesakan San Ferminak

gurutzada gerrak

patroi artean gabiltz

blasfemo okerrak

den-denak dakizkigu

jaunari eskerrak

 

 

Gasik ez daukanean

ia metxeroak

taxian sartzen gara

mutturrak beroak

goizeko zortzietan

titiriteroak

tabernan biltzen gara

ohiko bezeroak

batzara doazenak

ta gaupaseroak

 

 

Langile izan behar

soldatapekoa

bankuan eukitzeko

ateratzekoa

aste tartez lanera

jokatuz lepoa

hiru relebotara

txandakatzekoa

larunbatean berriz

beti gauekoa

 

 

Astelehenero berriz

hainbat damu-aipu:

“darabilkigun martxan

ezin da jarraitu

gure gibelak ere

eskertuko baitu

beraz hobe genuke

ritmoa lasaitu…”

ta igandero goizak

harrapatzen gaitu

 

 

Zer garen badakigu

ongi honezkero

etxerik ez daukagun

hiru gaupasero

hobe da orain egin

asteburuero

gazte garen garaian

ero eta bero

eta ez behin adina

pasa eta gero!

Gaupasa