Udazkenari jarriak –
DOINUA: Goizean altxatu eta
Jertse lodi bihurtu zait
tirantedun kamiseta;
treking eta deportiba,
ez sandalia ez txankleta;
udako herri-berbena
da oraingo diskoteka;
kalean ibili ordez,
gaude klasean gordeta;
lehengo “festa agenda”
daukagu lanez beteta.
Baina txarrenean soilik
zergatik jarri arreta?
Nahiz eta gogorra izan
errutinarako buelta…
Lasai hartu itzulera
goxo har daiteke eta!
Udako oroitzapenak
banan-banan gogoratu
(zenbat gau mozkortu zaren,
zeinekin duzun ligatu),
sopa fideoekin jan,
kafea izotz gabe hartu,
orbelera salto egin,
dutxa bero bate(a)n sartu,
resaka gabeko goizak
(a(ha)l bada) aprobetxatu,
beste kurtso bat hasiaz
jende berriaz gozatu.
Hainbeste gauza on daude
zer egin zuk aukeratu…
Hostoak jausten ikusi
eta gu berriz altxatu!
Izerdi gehiegi gabe
Gozatu sexu-eszena,
ostegunetan atera
parrandan emanaz dena,
igandetan pelikulak
edo bestela zinema,
noizean behin bisitatu
gaztain saltzaileen trena…
Baina euri eta hotzak
ematen didate pena
eta luzatu nahi nuke
udako oroitzapena;
beraz, ahalegina egin
badugu (e)ta ahalmena:
Udako azken zatia
bihurtzeko udazkena!
