Otsailaren 7an abiatuko dute Arabako Bertsolari Txapelketa, Oionen, eta martxoaren 28an jokatuko dute finala, Gasteizen; Aramaioko zazpi bertsolari izango dira lehian; Bertsosarrerak.eus atarian daude sarrerak eskuragarri.
‘Ganbarako lana’ izeneko gidoiari esker nabarmendu da Paya: 2001eko Bertsolari Txapelketa Nagusiko finalean kantuan ari den bertsolari bat du protagonista. Sariketaren gaztelaniazko adarrean Pedro Zabalza nagusitu da.
Larunbatean, hilaren 17an, Bardozeko Xilabako saioan kantatuko dute Patxi Iriart Hiribarren eta Karlos Aizpurua Etxartek, baina beren harremana lehenagotik dator: Iriart haurra zela Aizpurua bere irakaslea izan zen, eta egun, 27 urteren ondotik, elkarrekin segitzen dute bertsotan.
Bihar izanen da Xilabako azken finalaurrekoa, Bardozen. Ainhoa Elizondo Bertsularien Lagunak elkarteko eragileak erran du publikoa bakarkakoaren «egarri» zela, eta nabarmendu du «aberatsa» izaten ari dela. Finala hilaren 31n izanen da.
Luhusoko gorabeherak - Iker Altuna Albisu, Irunero atarian. Doinua: Maskadak heltu gira [audio mp3="https://www.bertsolari.eus/wp-content/uploads/2026/01/liburuki5_2378a.mp3"][/audio] Azkenaldian zenbait aldaketa izan dira, egia esan, Ikerren bizitzan. Bertsoak jarri ditut ohitura den gisan, [...]
