Martxoak 3 elkarteak jarriko dio txapela Arabako txapeldunari
Martxoak 3 elkarteak jarriko dio txapela Arabako txapeldunari –
Aurten 50 urte bete dira martxoaren 3ko hilketetatik, eta Arabako Bertsozale Elkarteak Martxoak 3 elkarteari eman nahi izan dio herrialdeko txapeldunari txapela janzteko ohorea. Honakoa adierazi dute antolakuntzatik: “Talde lanak, elkarlanak, herriaren indarra eta komunitatea eraikitzeko hainbat alorri jomuga jarri zion Araba eta Gasteizi 1976ak. Arabako Bertsozale Elkarteak Martxoak 3 elkarteari aitortza egin nahi dio eta eskerrak eman egindako ibilbide eta lanagatik”
Larunbat honetan Martxoak 3 elkarteko Nerea Martinez eta Arabako Bertsozale Elkarteko Uxue Diaz de Cerio elkarrizketatuko dituzte Hitzetik Hortzeran. Saioa larunbatean ikusi ahalko da ETB1en, 21:00etan.
