Coolpla berriak –
Doinua: Abadiño San Blasetan
https://www.youtube.com/watch?v=jeGUMHKhock
Gazte(e)i nire deiadarra:(Ber)
sareko eran oharra:
POV: Hitz arrotzez bete da
Aitorren hizkuntza za(ha)rra.
Sareko eran oharra.
Gazte(e)i nire deiadarra.
Joera randoma hartu, (Ber)
ta ez zaretenez lau katu,
ixildu nahi nuen baina
ezin dut scrolleatu.
Ta ez zaretenez lau katu,
ezin dut scrolleatu.
Barrua ari zait deika. (Ber)
Arrazoiak?larogehika.
Kritika zorrotz bat da hau,
zuek ulertzeko: hatea.
Barrua ari zait deika.
Arrazoiak?larogehika
To, iritzi literal-a;(Ber)
En plan, pentsatu bezala:
zuen hizkera berriak
vibe onik ez daukala.
En plan, pentsatu bezala,
to, iritzi literal-a;(Ber)
Ikusiz zuen hautua, (Ber)
afera delikatua.
Haseran Salty nengoen,
orain highkey kezkatua.
Afera delikatua,
ikusiz zuen hautua.
Ez dut Red flag bat izan nahi, (Ber)
(gu ere izan ginen guay),
baina ez zaituztet ikusten
Euskara salbatzeko gai.
Ez dut Red flag bat izan nahi,
(gu ere izan ginen guay).
Nahiz norbera den librea (Ber)
maiz sentitzen dut gringea.
Berritzea komeni da,
baina hau ez da bidea.
Nahiz norbera den librea,
maiz sentitzen dut gringea.
Euskara behar du plazak.(Ber)
Entzunda zuen solasak,
nekez izanen zarete
Euskaltzaindiaren crushak.
Entzunda zuen solasak,
Euskara behar du plazak.
Hagitz toxic da zuena,(Ber)
Txungo solastearena.
NPC hutsa al da
hala egiten ez duena?
Hagitz toxic da zuena,
Txungo solastearena.
Broak ahotik ahora,(Ber)
matxista ez da izango ba?!
Bro, Brotherretik badator
Sis bat ere beharko da.
Broak ahotik ahora
matxista ez da izango ba?!
Brainrot,mod, rizz, aesthetic, …(Ber)
sus, core,mid, based, goat,…bertzetik,
odola ateratzen zait
sarri belarrietatik.
Brainrot,mod, rizz, aesthetic,
sus, core, mid, based, goat,…bertzetik.
Hurbilean begirada, (Ber)
amore eman dut jada:
Euskara galtzen ari da,
hau, finean L bat da.
Amore eman dut jada.
Hau, finean L bat da.
Hor, nere kopla etsiak (Ber)
hitz berriekin jantziak,
nire gisako boomerren
izenean idatziak.
Hor, nere kopla etsiak
hitz berriekin jantziak.
Askatuz barruko mina, (Ber)
bota dizuet ozpina.
Lasai cancelatu edo
egidazue ghostina.
Askatuz barruko mina,
egidazue ghostina.
*Sorta ulertu ahal izateko, Boomerrontzako Hiztegi Ttikia:
POV: Poinr of View”.Sarean, egoera jakin bat irudikatzeko erabiltzen dena.
Randoma:Arraroa, ustekabekoa
Scroll:Sarean, argitalpena baztertu eta behatzarekin gora egiteko erabiltzen den mugimendua,
Hate:Sarean, gorroto edo higuin handia adierazteko erabiltzen dena.
Literal: Benetan.Azalpen bati indarra emateko erabiltzen da.
En plan:gaztelerazko “tipo” edo “Osea” esamoldeen gisara erabiltzen dena.
Vibe: Giroa; pertsona batek edo gauza batek ematen duen energia orokorra.
Salty: Gauza ttiki batek sortutako haserrea edo samina
Highkey: Hagitz nabarmen edo argi
Red Flag:Ohartarazlea.Seinale txarra pertsona edo egoera baten inguruan ari bada.
Guay:berezia, ona
Gringe: Lotsa
Crush:Gustatzen zaizun pertsona.
Txungo: Gaizki
NPC: Nortasun gutiko edo beti berdin jokatzen duen pertsona.
Toxic: Kaltegarria, osasungarria ez dena.
Bro: Laguna, anaia bezala, edozein pertsonari zuzentzeko erabilia.
Brairoat: Obsesio absurdo bat edukitzea.
Mod:horrela sentitzen zarela azaltzeko erabiltzen den hitza.
Rizz: Pertsona batek duen erakarpen naturala edo karisma.
Aesthetic: estetika edo Vibe konkretu bat duena.
Sus: susmagarria
Core:estilo bat definitzeko erabiltzen dena.
Mid: Erdikoa, ez berezia, ez txarra, baina ez ona.
Based: ausarta edo benetakoa den iritzia
Goat: Inoiz egon den onena
L:Porrota
Boomer: Gazteek, mentalitate zaharkitua edo aldaketari erresistentea dugun belaunaldi zaharrekoei deitzeko erabiltzen duten hitza.
Cancel:Azalpenik eman gabe harremana etetea
Ghosting: Bat-batean desagertzea, mezuei erantzun gabe;kontaktu guztia moztea.
