Maddi Agirre gailendu da Izarrako saioan

Bertsolari Aldizkaria 2026-02-26

Maddi Agirre gailendu da Izarrako saioan –

Izarran jokatu zen lehen faseko azken saioa, iragan larunbatean. Maddi Agirrek eskuratu zuen puntu gehien, eta berak lortu zuen, beraz, Dulantzirako txartela. Honela erabakita geratu da nortzuk jokatuko duten hurrengo fasea, finalaurrekoena.

Honako lanak egin behar izan zituzten oholtzara igo zen seikoteak:

Binaka, gaia emanda, hiruna bertso zortziko handian.
Binaka, gaia emanda, hiruna bertso zortziko txikian.
Binaka, gaia emanda, hiruna bertso hamarreko txikian.
Bakarka, hasierako puntua emanda, bertso bina zortziko txikian.
Bakarka, gaia emanda, bertso bina neurri librean.

Lan puntuagarri guztiak eginda, horrela geratu zen puntuazio taula:

Maddi Agirre: 251 puntu
Asier Otamendi: 251 puntu
Xabi Igoa: 249 puntu
Danel Herrarte: 239,5 puntu
Rikardo Gonzalez de Durana: 229,5 puntu
Eli Zaldua: 225 puntu

Hamabi lagunez osatutako gai-jartzaile taldetik Etxaun Otaño Zikunegi izan da Izarrako aurkezlea. Lehen faseko hirugarren saioko epaimahaia horrela osatuta egon da: Ekaitz Elorriaga Anduaga, Fernando Sopelana Alonso eta Aitor Jimenez Tolosana. Endika Jimenez Enbeita idazkari lanetan.

Hurrengo saioa, martxoaren 7ean izango da Dulantziko Kultur Etxean, arratsaldeko 17:30ean.