Nafarroako Bertsozale Elkarteak bertsolaritza irakasle izateko lanpostua eskaini du
Nafarroako Bertsozale Elkarteak bertsolaritza irakasle izateko lanpostua eskaini du –
Lan deialdia zabaldu du Nafarroako Bertsozale Elkarteak Iruñerriko, Lizarraldeko eta Piriniotako eskoletan ariko den bertsolaritza irakaslea bilatzeko. Lanaldi osoa eskaintzen da, lau hilabetez, ordutegi moldagarrian. Urtarrilaren 30era bitarte bidali ditzakete interesdunek curriculuma eta motibazio gutuna.
Otsailetik ekainera bitarte Iruñerriko, Lizarraldeko eta Piriniorako ikastetxeetan ariko den betsolaritza irakaslea bilatzeko lan deialdia ireki du Nafarroako Bertsozale Elkarteak. Hezkuntza Arautuko programa emateko da lan-deialdia. Lanaldi osoko kontratazioa da, lau hilabetez aritzeko eta ordutegia moldagarria da.
Lotura honetan jasotzen dira lan-deialdiaren xehetasunak. Interesdunek urtarrilaren 30era bitarte (barne) bidali ditzakete curriculumak eta motibazio gutunak, nafarroa@bertsozale.eus helbidera.
