Bertso eskola birtualera ez joateko aitzakiak

Aroa Arrizubieta

Aroa Arrizubieta

2020-04-14

Bertso eskola birtualera ez joateko aitzakiak –

Doinua: Egun da Santimamiñe

Bertso eskola birtualera ez joateko aitzakiak

Arg: Nenad Stojkovic (Flickr)

 

 

 

 

“Nahiz ta zu igual ez fia,

hau da eszenografia:

Ez dut daturik eta etxean

ez dabil ondo wifia”.

 

“Hain naiz ikasle formala,

beti klasera noala.

Ta dut ostegun arratsaldero

akademia birtuala”.

 

“Bertso eskolan hobeto

nengokeen arren tarteko,

familiarekin geratua naiz

bideo-dei bat egiteko”.

 

“Gogoa dut, alegia, 

diodana da egia:

Barkatu baina oraintxe bertan

amaitu zait bateria”.

 

“Klaseko hainbat lanen truk,

ondo jakingo duzu zuk

pantailapean bizi naizela;

eta buruko mina dut”.

 

“Ezin dut, hala beharko,

ogi bila noalako;

eta ilaran tokatuko zait

zortez, bihar goizerako!”

 

Ke-bonba truko onena; 

Whatsappean dagoena

baina aitzaki beharrik gabe

erantzuten ez duena.

 

Bertso eskola birtualera ez joateko aitzakiak