Antzerki, dantza, txaranga, joko,
bertso edo kontzertua
Denetarik bada hor zuretzako
egin ezazu hautua
Ongi pasatu nahi baduzu
entzun zazu aholkua
EHZtan sobran baitago
guztiontzako lekua
Bazter guztietako taldeak
dira bertan elkartuak
Bozgorailuek heda ditzaten
denon hitz eta doinuak
Eta munduan entzun daitezen
elkartasunan oihuak
Aniztasunaren koloreez
daude oholtzak marraztuak
Laguntzailea izan zaitezke
izan zahar edo gazte
Denon indarrak batzeko gisan
hori baita bertan klabe
Azken finean festibal hontan
elkarlana da zutabe
Bizitzan ere ezin da lortu
gauz handirik hura gabe
Hurrengo urtean etorri denok
familia honi batzera
Iparraldeko muino artean
festibala bizitzera
Udari dantza eta musikaz
hasiera ematera
Euskara eta elkarlaguntza
biltzen dituen pentzera
