Ihesi doa denbora –
Doinua: ETAren su-etenetik
Urte berria hasirik
denak daude txora txora
Uste dute gaitz guztiak
joango direla kanpora
Baina benetan gehiago
etortzen dira ondora
Eta emendatzen doaz
adinean joanez gora
Pentsamenduetan barna
galdu ohi dut denbora
Galdu ditudan uneak
ekartzen ditut gogora
Arazoak saihesteko
ahalegina izango da
Segunduro olatuak,
mendi tontorran luizi
Minuturo jaiotza bat,
lau besarkada, sei krisi
Orduro bi hitz eder (e)ta
galde gabeko iritzi
Astero iraultzaren bat
ondoren ehun injustizi
Urte denen bukaeran
etapa zaharrak itxi
Nabil denboraren bila
segundu baten ihizi
Noiz zen bihar, noiz da atzo?
al naiz orainean bizi?
Urte osoa pasatzen
du buru makur sahatsak
Ni aldiz burua goiti
ezin aurkitu norantzak
Hanka sartu honezkero,
errepikatuz akatsak
Denak dira ikasteko
nahiz ta izan diren latzak
Egunak joan ahala
ditut eginak urratsak
Baina denborak segidan
ditu ezabatu oinatzak
Ohartzerako sofan naiz
janez hamabi mahatsak
