Kurtso hasiera –
Doinua: Emazurtz jaio hintzen
Heldu garen honetan
Irailak 1era
Oporretako aje
Denekin batera
Eskolara, ikastera
Ta batzuk lanera
Ohartu orduko hemen da
Kurtso hasiera
“Aurten apuntatu naiz
Kirola egitera”
“Helburu berri bat dut
Ta ez iazko bera”
Desio eta asmo
Faltsuen ilera
Ez al da bilakatzen
Kurtso hasiera?
Mozorroekin betez
Zenbait jaitsiera
Txosnetan trago batzuk
Ta txandak gainera
Baina herri askotan
Iraila ez ote da?
Jairako aitzakia
Kurtso hasiera
Haur bat lehenengo aldiz
Doana klasera
Jubilatu berri bat
Indarrez topera
Ez al da bilakatzen
Bizitzan kolpera
Kapitulu berri bat
Kurtso hasiera?
Joan garen ho(r)ientzat
Udaran lanera
Iristen garenean
Behingoz irailera
Batzuen errutina
Da besteon zera:
Opor denboraldia
Kurtso hasiera
Asmoak asmo eta
Galderak galdera
Ea egokitzen den
Ahal legez norbera
Batuz maite ditugun
Horien artera
Ondo joan dadila
Kurtso hasiera!
