Lagunei

Iker Gorosterrazu

Iker Gorosterrazu

2020-04-27

Lagunei –

Doinua: ostatuko neskatxaren koplak

1) UKITU ELKAR MAITATU

USAINDU ELKAR GOZATU

AURRETIK EGIN EZ DUGUN HORI

BIHURTU ZAIGU PEKATU.

 

2) HURBILEKO BEGIRADA

SENTITZEKO BESARKADA

TRISTURA POZA BIHURTZEN DUEN

SENDAGAIA EZ AL ZARA?

 

3) KAFEA EDO ZERBEZA

ESTIMUA EDO KEXA

EGUNEROKO ERRUTINA DA

EGUNEROKO SORPRESA.

 

4) BAZKARI EDO AFARI

KONPAINI ONAREN KABI

DEUS ESKATZEN EZ DUENARENTZAT

LAGUNTASUNA OPARI.

 

5) ORDUAK DIRA MINUTU

SOLASA NAHIZ IZAN MUTU

DENBORA ZUKU BATEN GISARA

ESPAZIOAN ZUKUTU.

 

6) ERREKAN EDO MENDIAN

IRRIÑO BAT AURPEGIAN

OROITZAPENAK UTZI NAHI DIGU

HUTSUNEA AGERIAN.

 

7) DANTZAN MUGITUZ GORPUTZA

KANTUZ BIDAIDE HIZKUNTZA

EDONORENTZAT POZGARRIA DA

ZURE PRESENTZIA HUTSA.

 

8) EMAN ETA GERO JASO

GUZTIA AURRERAPAUSO

USTE EZ DUGUN ARREN NOIZBAIT

GUTXI AUNITZ DA AKASO

 

9) INOR EZ DAGO SOBERAN

JARRI EZKERO AUKERAN

HITZAK EZIN DU INOIZ AZALDU

ZENBAT MAITE ZAITUZTEDAN!

Lagunei