Naturaz

Felix Zubia

Felix Zubia

2021-03-11

Naturaz –

Doinua: Muazko heriotzarena

 

Natura babestea

Daukagu ahotan,

Ekologista hitza

Aipatu askotan.

Modernitatearen

Mundo ero hontan,

Inork egiten al du

Naturaz bertsotan?

 

Lazkao Txiki zena,

Nahi bada aditu,

Leihoko txantxangorri

Hilaz zen aritu.

Pantailak egin gaitu

Erdi txilibitu,

Txantxangorriak zeinek

Begiratzen ditu.

 

Primaderari kantuz

Ari zen Xalbador,

Sagarrean xori bat

Kantari dago hor,

Naturaren miresle,

Gure ustez jator,

Kanpoa ikusteko

Ba al dago inor?

 

Luis Otamendik ere

Bazuen gogoa,

Bertsotan aipatzeko

Etxeko pagoa.

Orain kaleumea

Basoan badoa,

Dena dugu berdina,

Arbola mordoa.

 

Bilintxek kantatuak

Zaldi zuriari,

Umore fina zaio

Barruan nabari.

Erreparatu ondo

Gure begiari,

Kartoiakin egina

Dugula dirudi.

 

Pedro Mari Otañok

Hitza lanabesa,

Hegaztiak sortuko

Baitzion zer pentsa.

Ederki aldatu da

Gure interesa,

Bereizten ote dugu

Parean txepetxa?

 

Beloki “Motza”renak

Nolako lilura,

Animali, lanabes,

Multzo eder hura!

Ulertzeko gai garen

Badut nahiko duda,

Bidean galdu dugu

Mendiko kultura.

 

Estresaren menpean

Bizi gara sarri,

Natura ez al dugu

Gure lasaigarri.

Begiak zabal-zabal,

Arreta hor jarri,

Inguruaz gozatuz

Bertso batzuk jarri.

Naturaz