Umea naiz… eta zer?
Nire 5.mailako ikasleentzat, maitasunez
Doinua: Ama begira zazu
1/ Ekaina iritsi da
iritsi da uda
Libreak izateko
garaia heldu da
2/ Liburu lodiekin
motxila beteta
“Gaitasunen Hezkuntzak”
hau du errezeta
3/ Nagia, asperdura
maisuaren bronka…
zeinek gaindi dezake
halako erronka?
4/ Ingelesezko hitzez
beterik ahoa
Eta euskara gero
ta traketsagoa
5/ Amets gaiztoak dauzkat
posible ote da?
Han azaldu ohi zaizkit
EKI ta Pereda
6/ Gurasoak ere sarri
beldurren almazen
ekaina heltzerako
irailan pentsatzen
7/ Ta nahiz dagoeneko
“kurtsoa akabo!!!”
baietz oraindik entzun
agindu gehiago
8/ Heldutasuna eskatu
ohi zaigu eskolan
Baina udan gu lasai
uzteko, nahiko lan
9/ Udaleku, etxeko-lan
ta kanping urruna
Noiz eginen al dugu
soilik nahi duguna?
10/ Salou, Cambrils zein Landak
opor gisa ongi
Norentzat da egoki
txiringito hori?
11/ Udan sarri gabiltza
hara eta hona
Tarteka aspertzea
ez ote da ona?
