Txomin Garmendia hil da
Txomin Garmendia hil da –
Atzo hil zen Txomin Garmendia bertsolaria, 88 urterekin. Aldizkari honetan makina bat aldiz idatzi zuen Villabonan bizi zen berrobitarrak.
1934an Berrobin sortua, Paulino Garmendia eta Bittori Galartzaren semea.Ogibide desberdinetan aritutakoa zen, hala nola, nekazari, harotz, txaliari, liburu-saltzaile eta baita bere jaioterriko alkate ere.
Lehen plaza etxean bertan egin zuen, 1952an Antonio Mari Eizmendi “Loidisaletxe” eta Jose Joakin Mitxelena lagun zituela. Burgosen egiten ari zen soldadutzan “Zeruko Argia” aldizkarian argitaratu zituen bertsoengatik espetxeratua izan . Lau alditan izan da finalista Euskal Herriko Bertsolari Txapelketa Nagusian, 1965, 1967, 1980 eta 1982ko edizioetan.
Istripu baten ondotik idazteari ekin zion eta bertso liburuak, nobela, kronikak eta hainbat kontakizun idatzi ditu gipuzkoarrak. Bordaberri (1983 Auspoa), Bizitzaren arian (1982 Auspoa), Denbora pasa (1982 Auspoa), Gipuzkoa.Biotz-begietan (1983 GAK), Bertsolari-kurpilla (1984 Auspoa), Erririk-erri (1984 Auspoa), Beltzak eta zuriak mendian ardiak (1985 Auspoa). Euskaltzaindiaren webgunean daude irakurgai.
- eitb.eus/txomin-garmendia-bertsolaria-hil-da
- berria.eus/txomin-garmendia-hil-da
- naiz.eus/txomin-garmendia-bertsolari-gipuzkoarra-hil-da
- diariovasco.com/txomin-garmendia-bertsolaria
- eu.wikipedia.org/Txomin-Garmendia
- ahotsak.eus/txomin-garmendia-galarza
- BDB – Txomin Garmendia
Txomin Garmendia bertsoaz, bizitzaz, gerraz, geopolitikaz eta ohiturez lau orrialde hauetan. Merezi du (Erririk-erri, Auspoa, 1984) pic.twitter.com/YF49iKyMzE
— Josu Goiko (@josu_goiko) September 16, 2022
Txomin Garmendia bertsolaria hil da, 88 urte zituela.
Berrobin jaio zen eta duela 34 urte etorri zen Amasa-Villabonara.
2015ean bertso eder batzuk eskaini zizkion gure herriari eta harrotasunez ikusgai ditugu udaletxean.
Gure doluminak senide eta lagunei. Ez adiorik Txomin! pic.twitter.com/QGt8av2P5M— Villabonako Udala (@VillabonaUdala) September 16, 2022
Mundua Erresuma Batura begira zegoen bitartean Txomin Garmendia hil da. Arina bekio lurra.
— Iñaki Gurrutxaga (@inagurru) September 15, 2022
Txomin Garmendia: hainbat plaza eta Txapelketa Nagusiko lau finaletan kantatu zuen bertsolaria. Hainbat belaunaldirekin partekatu zuen plaza eta mahai buelta. Bere aldeko hileta, gaur Villabonan, 19:00etan.https://t.co/1KJBlhwxc7#bertsolaritza pic.twitter.com/j4OsqUCUf7
— Bertsoa (@bertsolaritza) September 16, 2022
