Urte dezente pasa dira Leitzako gaztetxoen bertso eskolako irakasle lanetan hasi nintzenetik. Aurten ere lan horretan nabil, ez bakarrik Leitzan. Ez da lan erraza bertso eskolako irakaslearena, esango nuke, gauza asko neurtu eta aurreikusi behar dira.
Gaia entzun. Hiru bide posible irudikatu. 20 segundo. Hiru bide = Hiru bukaera indartsu. Badauzkagu? Hau flojito, baina aurrera. 32 segundo. Sartu 10-8an. Joder, ez naiz kabitzen. Kendu “daukadalako”, jarri “baitut”. Bale, orain bai. 45 segundo. 4 errima. Egiteko, Hobeto, Tarteko, Ikusteko. Estutu, June, estutu. 57 segundo. Berdin dio. Ez dago denborarik. Ben-ga. Mikrofonoari heldu. 60 segundo. Hasi.
Ez dakit bertsolari guztioi gertatzen zaigun edo ez, niri gertatzen zait. Amaitu zen abestea tokatu zitzaidan txapelketa eta nik oporrak nahi nituen, lanean hilabeteak eta hilabeteak jarraian egiten dituenak bezala, oporrak nahi nituen. Eskertzen dut horrelakoetan lagun talde ez oso bertsozalea izatea, ez dut urrutiegi joan beharrik bertsolaritza mundutik ihes egiteko, Aramaion bertan egin dezaket reset delakoa betiko lagunen artean. Baina bueno, garrantzitsuena, aste honetan berriz ere zapaldu dut bertso eskola.
Gipuzkoako bertso-eskolen eguna - Azken urteetan bertso-eskolen eguna eskualdeka antolatu da, baina Bertsozale Elkarteak jakitera eman duenez berriz ere Gipuzkoa mailako eguna izatera igaroko da. 14 urtez azpikoentzako egun osoko [...]
Isilpean eta ahoz gora - Txapelketa-giroa dago Nafarroan eta Bizkaian, eta, horrek, bertso-eskola giroa esan nahi du. Edo, zehatzago esanda, bertso-eskolako giro-aldaketa. Hala da gurean behintzat: 2024ko urtarrilaren amaieran hasiko [...]
