Hegoafrikan lortu zen, Palestinan ere bai!

Hegoafrikan lortu zen Palestinan ere bai –

Ai Palestina zenbat

min gorputz barrura,

zure oihua zabaldu

ahal zedin mundura.

Azken aldian pozez

bizi dut tristura.

Lur idortuan zenbait

lore azaldu da.

Koxka bat estutzeko

garaia heldu da!

Vuelta_eten zen Israel

ozen salatzeko,

Unibertsitatean

EHUk egin du_antzeko,

Biba Saioa Alkaiza

CAF lotsarazteko,

Milaka langile prest

lanari uzteko,

Hitz hutsak ondo daude

ekintzak hobeto!

Bi mila ta hogeitabost,

Palestinak darrai

Odolez ta negarrez,

hala ere, bizi nahi,

nahiz ta zabaldu mina

ta etsipena nonahi

elkartasun borrokan

baldin bagara gai:

Hegoafrikan lortu zen

Palestinan e bai!