Libreko bertsogintza - Errealitatea, aukerak eta mugak
2024-11-22
Jexux Mari Irazu
Bertsozale Elkarteak antolatzen duen Bertsolamintza gogoeta jardunaldietarako idatzi ditudan lerrootan libreko bertsogintzaren zenbait klabe aletuko ditut. Hona hemen zortziko txikian esanda:
- Libreko bertsogintzak gaur eguneko plazan duen neurria.
- Libreko bertsogintzak bertsolari baten bertso bidean duen presentzia.
- Libreko bertsogintzaren mapa tematikoaz ariko naiz: aukerak eta mugak.
- Libreko bertsogintzaren zenbait klabe, jardun mekanika horren zenbait gako, nire ustez garrantzitsuak direnak.
- Libreko bertsogintzaren kostu energetikoaz eta alde laborala.
- Libreko bertsogintzaren antolakuntza oinarria.
- Libreko bertsogintzak gaur eguneko bertsolaritzaren ekosistema orokorrean betetzen duen funtzioa.
- Amaitzeko, ondorio orokor batzuk planteatuko ditut, libreko bertsogintzaren gaurko errealitatea eta biharko proiekzioa eginez.
Ohartxo bat: Eskatuko dizut, irakurle, libreko bertsogintzari buruzko ideia hauek irakurtzen ari zarela, Eskolarteko Txapelketako bertsolari bat presente izatea zure buruan.
