Arantzazu Loidik jantziko dio txapela Gipuzkoako Bertsolari Txapelketako irabazleari abenduaren 14an. Gipuzkoako lehen bertso eskolako ikaslea izan zen Loidi, baita oholtzara igo ziren lehen emakume bertsolarietako bat ere.
Patata da bide bakarra - Udaberri hasieran, Arabako bertsolari txapelketak Aroa Arrizubieta txapeldun berria utzi zigun, baina ez hori bakarrik. Txapelketak unean uneko argazkiak dira, argazkien atzean, ordea, badira mugimenduak: [...]
Bertso eskoletan baliatzeko materiala sortzen ari dira, eta, horren karietara, Iparraldeko doinu zaharrak berriz eskuratzeko grabaketak egin dituzte hamasei bertsolariren bertso idatziak musikatuz. «Hurbileko erreferentziak» beharrezkoak direla uste dute.
2024-25 ikasturtean bertsolaritza 547 ikastetxetan ari gara lantzen, Bertsozale Elkarteko 57 irakaslerekin. Ikasmaterialean entzungai ditugu Iparraldeko bertsolariek jarritako sorta musikatuak!
Latindar autoreen poemak gaur egungo bertsolaritzako eta pastoraletako moldeetara egokitu, eta horri buruzko gogoeta egin du Jone Makazagak izenburutzat Latinezko poesia bertsotan euskaratzeaz: itzulpen musikatua eta gogoeta duen gradu amaierako lanean. EHUko Mikel Laboa Katedrak eta Bertsozale Elkarteak emandako GrAL sariaren laguntza izan du horretarako.
