Mixel Itzaina hil da - Iragan astean zendu zen Mixel Itzaina aldudetarra, bizi osoan zehar bertsolaritzari alimaleko ekarpena egindakoa, bai gai-jartzaile gisan, antolatzaile moduan edo epaile bezala. Bertsularien Lagunak elkartearen sortzaileetako [...]
Zonbait behako erakustaldia Miarritzen - Mota Erakusketa Data 2026ko urriaren 14tik azaroaren 21era Ordutegia Asteartea: 10:00-13:00 / 14:00-18:00 Asteazkena: 10:00-13:00 / 14:00-18:00 Osteguna 14:00-18:00 / 14:00-20:00 Ostirala 10:00-13:00 / 14:00-18:00 [...]
Larunbatean, hilaren 17an, Bardozeko Xilabako saioan kantatuko dute Patxi Iriart Hiribarren eta Karlos Aizpurua Etxartek, baina beren harremana lehenagotik dator: Iriart haurra zela Aizpurua bere irakaslea izan zen, eta egun, 27 urteren ondotik, elkarrekin segitzen dute bertsotan.
Baigorriko saioa Miren Artetxek irabazi du - Xilabako txapelketako finalaurrekoen lehen saioa jokatu zen herenegun Baigorrin, Plaza Xoko gelan. 480 bertsozale egon ziren saioa bertatik bertara jarraitzen. Bertsolariek honako lanak [...]
Baigorrin berrabiatuko da Xilaba bihar - Bihar, larunbata, jokatuko da txapelketaren lehen final aurrekoa Baigorriko Plazako Xoko gelan. Sei lagun hauek izango dira oholtzan: Elixabet Etxandi Goihenetxe Haira Aizpurua Ibargarai [...]
Markinako batzarrak - Bertsolari elkarte baten beharra Ez dira txapelketak ziklo honen gailurrak ekarri zituen emaitza bakarrak. Bertsolariek bertsolaritzaz hitz egiteko egindako lehen bilkurak ere garai honetakoak dira. Markinako fraide [...]
Aitor Servier garaile Hiriburun - Atzo jokatu zen Xilaba txapelketako bigarren daseko azken saioa Hiriburuko La Perle aretoan. Bertako bertso eskolako haurrek eman zieten ongi etorria bertsozaleei, eta jarraian oholtzan [...]
Aitormena Aitorrena - Doinua: Gogoratuko zara / kasik 14 urte [audio mp3="https://www.bertsolari.eus/wp-content/uploads/2025/12/liburuki5_2539a.mp3"][/audio] Egun bitxiak bizi ditugunez egun, denboraren joana ote da errudun? Inoiz joan zirenak guregandik urrun gure [...]
Ohar parea
a) Urruña. Akitania Berrian batzuentzat, Sanjuandeluzen ondoan besteentzat, Lapurdin ororen gainetik. 10.000 biztanle inguru. Hendaia, Biriatu, Ziburu, Azkaine, Irun eta Bera mugakide. Itsasoaren eta Bidasoaren artean. Baserri-tradizio handiagoa arrantzarako joera baino. Urtubiko gaztelua, Ibardin, Zokoa… Azken aspaldian, ez da turista oldeaz zein bigarren etxebizitzen negozioaz libratzen. 30 urte beteko ditu aurten Urruñako ikastolako lehen haziak. 2020tik auzapez abertzalea du herriak.
b) Ibilbide hau bertso bat bezalakoa da: edozein tokitatik has daiteke, edozein puntutan bukatu. Ganbaran sortzen denak eta ahotik irteten denak ez dute beti elkarrekin zerikusirik. Ez ditu burutik igarotako guztiak biltzen, bidean topatutakoei lekua egin nahi die. Gai berari bi bertso arras ezberdin kanta dakizkiokeen gisan, aukeratu zitezkeen bestelako xendak.
Adituek diote haurtzaroan barneratzen ditugun jarrera, emozio, jokamolde eta bestelako hamaika faktore gure barnean daramatzagula, hein handi batean, bizi osoan zehar. Kantuekin ere antzeko zerbait gertatzen dela ere esan daiteke, umetan ikasi eta abestutako kantuak garunean iltzatuta geratzen baitzaizkigu. Horietako bat da, ezbairik gabe, Iturengo arotza.
