Ixorretako dama - Aurreko blogean Jon Lopategi aipatu nuen, erreferente handia eta maitea, eta blog honetan beste erreferente handi eta maitagarri bat aipatu nahiko nuke: Kristina Mardaras. Kristinak 14 [...]
Danele Sarriugarte eta Oihana Arana - Mikel Elkoroberezibar Beloki, BERRIAn. Plaza utzia duten andreak eta genero disidenteak ditu protagonista aurten Señora sariketak. Elkarteak bere egiten ari dira 'señorak'. Jada itxia [...]
Guretik eta guretzat - Uda amaierak berarekin dakar tristura puntu bat. Oporraldiari agur esan eta ohikotasunera bueltatzen da bizitza, lantokira gustura joaten denari ere galbana sorrarazita. Esan daiteke urte berria [...]
Nire lotura bertsoarekin ezin da azaldu euskararekin eta herrigintzarekin izan dudan lotura aipatu barik. Biografia modura eta kronologikoki kontatzea erabaki dut.
Markina-Xemein 1952. urtean sortu zen Markinako hiribilduak eta Xemeingo elizateak bat egitearen ondorioz. Artibai eta Urko ibaiek topo egiten duten herri menditsu honen izenaren lehen zatiak asko esaten du bere kokapen geografikoaz. Izan ere, zenbait teoriaren arabera, Markinak “marka” edo “marra” hitzetan dauka jatorria. Hainbat udalerri ditu mugakide: Amoroto eta Berriatua iparraldean, Etxebarria eta Mendaro ekialdean, Eibar eta Mallabia hegoaldean eta Aulesti eta Ziortza-Bolibar mendebaldean. Hala ere, mugak aipatzekotan 70eko eta 80ko hamarkadetan apurtutakoak aipatuko lituzke hemengo askok. Ehunka izan baitziren Pilotaren Unibertsitatea goitizenez ezagutzen den frontoitik amerikak egitera joan ziren gazte zestalariak. Asko joan ziren Filipinetara, Kubara edo Estatu Batuetara Jai Alaiaren urrezko hamarkadetan, baina ez pentsa gutxi direnik Done Jakue bideari jarraiki gure herria igaro asmoz etortzen diren erromesak ere. Gaur, makilarik eta maskorrik gabe, baina bertsoak gurean duen bideari jarraituko diogu.
Kalamuatik Santa Eufemira
bitartin dago Markina
oraintxe dala seirehun urte
edo aurretik egina
jaiotakoak eruten dira
bautizatzera Xemeina
heriotzia datorrenian
daukagu bide berdina (Juan Ibarzabal Buztarri)
