Erniarraitz bertsozale elkarteko bertsolaria da Julene Iturbe; bertsolaria eta irakaslea, berriz, Naia Arrizabalaga. Bertatik bertara ezagutzen dute emakumeen bilakaera bertsolaritza munduan.
Ikastaroa martxoaren 20an izango da, Bizkaiko Bertsozale Elkartearen Durangoko egoitzan.
Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari leku egin behar zaio, ordea.
Erniarraitz Bertso Sariketa martxoaren 1ean, 15ean eta 22an ospatuko da. Bi urtean behin antolatzen da egitasmoa.
Nafarroako Bertsolari Txapelketa irabazi eta hilabetera irribarretsu azaldu da Julio Soto (Iruñea, 1987) finala jokatu zen Anaitasuna kiroldegian elkarrizketa egitera. Haatik, ez da txapela irribarrea lorarazten diona, lehenagotik ere irritsu baitzebilen azken bolada luzean. Izpiritualtasuna lantzeak ekarri dio aldarte argitsuago hori: meditazioak, yogak. “Nire azken urteotako bertso-bidean hori izango da egin dudan lanketarik handiena eta eraginkorrena”, nabarmendu du. Gizon zuri heterosexual aberatsa izatearen pribilejioaren kontziente, nafar bertsolari izateak dakarren azpiratzea salatu du, Nafarroa Garaiko bertsolaritza “loraldi bete-betean” dakusan honetan.
Aurtengoa IV. edizioa izango da. Otsailaren 18an itxiko da izena emateko epea.
Sei urteren ondoren, Bizkaian egingo dute ostera ere Bertso Eguna; bihar izango da, Gernika-Lumon. Bertso eskolen kontzeptua ekarriko dute hizpidera, eta Lilibertsok eta Bizkaiko Bertsozale elkarteak egun osorako egitaraua prestatu dute.
Biluzteaz - Egia da sinbolikoki biluztu egin garela emakumeok plaza publikoan lekua hartu ahal izateko. Edo behintzat, emozionalki biluztuta esplikatu dugu zenbat kosta zaigun leku hori hartzea. Arrazoitu egin behar [...]
Leku askotatik bizi daiteke bertsolaritza - BERRIAko Mantangorri ataletik. Abenduaren 16an irabazi zuen Bizkaiko Bertsolari Txapelketa Nerea Ibarzabalek (Markina-Xemein, Bizkaia, 1994), bigarrenez. Finaleko eta ondorengo zurrunbilotik aterata, pozik dago, oporrak [...]
Bukaera - Abenduko azken egunek urte bukaera ailegatu zaigula adierazi ohi digute. Urteko balantzea egiteko erabili ohi dira data hauek telebista, egunkari edo sare sozial ezberdinetan. Egunerokoak irensten gaituen honetan, [...]
